NotForMen

Изборете се со горештините преку консумирање на ладна вода, млеко, јогурт, природни сокови од овошје и зеленчук, а колку што можете избегнувајте ги газираните пијалаци.

После само пола часовна прошетка по сонцето чувствувате како вашето тело на сет глас очајнички бара некоја течност за да се освежи.

Изборете се со горештините преку консумирање на ладна вода, млеко, јогурт, природни сокови од овошје и зеленчук, а колку што можете избегнувајте ги газираните пијалаци. Газираните пијалаци знаат да бидат вистинско освежително задоволство, но истовремено може да зададат опасен удар на вашиот имунитет.

Од друга страна пак, чаша ладна вода позитивно влијае на циркулацијата, а совршена комбинација за опуштање би било кратка прошетка на свеж воздух во вечерните часови и чаша ладна вода. Дополнителна добра вест е што водата не содржи ниту една калорија, а со неа ќе ги надоместите изгубените течности од потењето. Таа е еден од триковите за забрзување на метаболизмот.

Пијалаците се неизоставен дел од вашето летно мени, а во продолжение следат неколку трикови и совети во врска со нив.

Трикови:

Свежината и вкусот на отвореното шише газирана минерална вода можете да го сочувате, ако во шишето ставите лажичка со дршката завртена надолу.

Водата во шишето која ја носите на излет нема да се загрее ако ја обвиткате во мокра ткаенина.

Белото вино е повкусно ако е разладено, додека црното не треба никогаш да се лади.

Меленото кафе држете го во лимена кутија каде на дното имате ставено малку шеќер во прав.

Мелницата за кафе полесно ќе се исчисти ако после употребата сомелете малку ориз.

Бајатото пржено кафе ќе ја поврати својата свежина ако повторно малку го пропржите и ставите малку ситен шеќер.

Вкусот на прженото кафе многу зависи од тоа како е мелено кафето. Кафето што е поситно мелено тоа е повкусно, затоа што водата подобро го впива поситно мелено. Највкусно кафе се добива со мелење на домашен рачен млин со остри крилца. Кога кафето е крупно мелено и покрај тоа што се пече ја губи својата арома.

• 
  Цвекло, зеленчук од рајот!
  Време е омилениот зеленчук  на Catherine Zeta Jones да пристигне и на вашата трпеза. ...
• 
  Како да заштедите при пазарувањето во супермаркет?
  Пишувањето на листа неопходни продукти ќе го спречи импулсивното купување во супермаркетот. ...
• 
  Тајната како да го сакате своето тело!
  Дури 47% од жените кажале дека најсуровите коментари за својот изглед ги добиле од семејството. ...