.gif)
Викендот е идеален за диета која ќе ви помогне за детоксификација на организмот.
Пред да одлучите да го доведете телото во посакуваната идеална форма, треба да размислите за времето кое сте подготвени да го одвоите за таа цел. Колку долго ќе можете да се одолеете на слатките задоволства кои постојано ве мамат и колку ќе жртвувате, ако ја одбиете поканата за вечера во омилениот ресторан токму од партнерот.
Растргнати меѓу секојдневните искушенија и желбата за неколку килограми минус, овие совети ќе ви бидат добредојдени за да почнете диета онолку дена колку што сметате дека сте подготвени!
Тридневна диета
Овој начин на исхрана всушност е чистење на организмот од сите штетни остатоци од храната кои може да бидат во вид на масти и кои, како последица на бавниот метаболизам, може да се наталожат во вид на вишок килограми.
Викендот е идеален за диета која ќе ви помогне за детоксификација на организмот. Оваа диета нека се состои од еден вид на овошје или зеленчук и еден вид на продукт богат со белковини, на пример млечен производ.
Одлучете се за јаболка и по еден литар јогурт на ден, а за да го забрзате топењето на килограмите, наутро, пијте по една чаша млака вода.
Еднонеделна диета
Оваа диета подразбира консумирање на овошје и зеленчук во неограничени количини и приготвени житарки. Нутриционистите посебно ја нагласуваат потребата од внесување на доволно количество вода при исхраната со житарки.
Диетата со јогурт со ниска масленост, исто така е идеална за овој временски период и подразбира секојдневно консумирање на јогурт, плус по еден продукт богат со белковини, на пример едно јајце, 200 грама варено месо или 300 грама риба.
Седумдневна диета
Оваа диета може да ви помогне да изгубите од 3-4 килограми за недела.
Како основно јадење за овој диетален режим изберете зеленчукова супа. Овој рецепт е идеален за вашата петдневна диета : сварете супа од исечкан свеж кромид, домати, зелка и еден мал компир. Додадете зачини како магданос и целер. Варете ја супата до вриење и потоа оставете ја уште 10 минути на тивок оган.
Во исхраната додадете свежо овошје, освен банани, свеж или конзервиран зеленчук со зелена боја, варен ориз, немасно месо и минерална вода.
Тринеделна диета
За оваа диета уште позната како англиска, која трае 21 ден треба да се вооружите со упорност и силна желба да го издржите строгиот режим на исхрана. Најважно е диетата да ја поделите на неколку етапи, односно денови кога ќе јадете само овошје, потоа само зеленчук и денови на белковини, но во ограничени количини.
Диетата треба да ја започнете со два или три „гладни“ денови , односно денови кога ќе внесувате само течности и тоа минерална вода, цедени сокови, свежи чаеви и кафе.
И не заборавајте пред да се одлучите за било која диета, за да не ја изгубите волјата уште првиот ден, сонувајте за крајниот резултат! Замислувајте го вашиот одраз во огледало - идеална фигура, нов фустан и заборав за вишокот килограми.
-
Време е омилениот зеленчук на Catherine Zeta Jones да пристигне и на вашата трпеза. ... -
Пишувањето на листа неопходни продукти ќе го спречи импулсивното купување во супермаркетот. ... -
Дури 47% од жените кажале дека најсуровите коментари за својот изглед ги добиле од семејството. ...
.gif)
