NotForMen

Пијаните луѓе зборуваат погласно од што е потребно и за своите шеги мислат дека се посмешни од што навистина се.

Можеби и вие обожавате како изгледате во тесното кусо фустанче со мартини во рака и тазе направениот обратен француски маникир. Со насмевката на лицето, која не е условена од атмосферата и со сите тие луѓе околу вас кои ви се претвораат за миг во најдобри пријатели.

Но како минуваат годините двете чаши вино стануваат пет, пијаните СМС пораки секојдневие, а вашиот мамурлак се понеподнослив.

NotForMen препорака: Лек за секој мамурлак

Можеби е време да направите мала пауза од пиењето, па дури и ако на миг ви се причинува дека Дедо Мраз ве повикува во својот скут со шише мартини да останете решителни.

Како изгледате вие кога сте пијани?

Луѓето не изгледаат атрактивно кога пијат многу. Размачканото моливче под очите, забите со дамки од црвено вино, влечкањето до тоалетот. Па дури и најубавата жена на светот не изгледа убаво кога паѓа од барска столица.

1 / 4

Дознајте што се ќе видите и доживеете ако не сте пијани:

ПРИЈАТЕЛИ

• Се плашите од притисокот врз вас ако престанете да пиете? Па кој знае дали во чашата со швепс имате и вотка или пак во кока колата малку рум?
• Без коктелите во крвта кога пријателите ќе ви ги откриваат своите тајни, вие за промена ќе ги запомните.

РАСПОЛОЖЕНИЕ

• Многу полесно ќе се справите со сите обврски наредниот ден и ќе успеете да станете од креветот за да уживате во краткотрајното утринско сонце кога не се справувате со мамурлак.
• Да престанете да пиете е најдобрата диета на светот! Ќе намалите на внесените калории, а луѓето нема да престанат да ви викаат колку убаво изгледа вашата кожа.
• Можеби ќе ви изгледа дека нема да најдете побрз и подобар начин да се релаксирате отколку со чаша вино, но не најдовте ниту начин како да ги вратите прекрасните руси локни од детството. Тоа е тешкотијата да се биде возрасен, некои работи мора да ги прифатите.

МАЖИ

• Кога не пиете многу побргу ви станува јасно дали имате или немате хемија со некого, за разлика од ситуациите кога со 5 чаши вино во крвта имате хемија со поголемиот дел од мажите.
• Кога пиете, доминантни екстравертни мажи се оние кои ви го привлекуваат вниманието, и не ги забележувате оние тивки момци на аголот кои уживаат во својата кожа. Алфа мажјаците се возбудливи, но нивното его може да зафати преголем дел од просторијата.
• Изненадувачки лесно е да разговарате со луѓето кога не се пијани. Не стравувајте дека без алкохол нема да бидете шармантна и забавна. Ќе се воодушевите кога луѓето со истиот интензитет ќе се смеат на вашите шеги и ќе се интересираат за приватниот живот.

Истражувања:

***** Според едно истражување објавено во магазинот Herald Sun во кое учествувале 3.000 жени на возраст од 18-50 години, откриено е дека жените спиеле во просек со 8 мажи во текот на животот, биле пијани со најмалку 5, а во 2 пригоди дури и не можеле да се сетат на името на мажот следното утро.

***** Спротивно од популарното верување, докажано е дека жените кои имаат повеќе ролји (мажена жена со деца која работи надвор од домот) имаат пониско ниво на проблеми со алкохолот за разлика од жените кои немаат многубројни улоги во животот.

• 
  Цвекло, зеленчук од рајот!
  Време е омилениот зеленчук  на Catherine Zeta Jones да пристигне и на вашата трпеза. ...
• 
  Како да заштедите при пазарувањето во супермаркет?
  Пишувањето на листа неопходни продукти ќе го спречи импулсивното купување во супермаркетот. ...
• 
  Тајната како да го сакате своето тело!
  Дури 47% од жените кажале дека најсуровите коментари за својот изглед ги добиле од семејството. ...