NotForMen

На вашето семејство денес подарете му еден поинаков ден, ден кој ќе им го посветите ним и ќе им го исполните со задоволство.

Ги одбравме вашите омилени јадења и ви ги откривме нивните „тајни“ состојки. Започнете со цезар салата, па равиоли со сирење, за на крај да завршите со топло ладниот десерт.

На вашето семејство денес подарете му еден поинаков ден, ден кој ќе им го посветите ним и ќе им го исполните со задоволство.

Па зошто и сами себе да не се почестите со некоја вкусна закуска? Уживајте!

ЦЕЗАР САЛАТА

Состојки:

1 Марула.
Рукола
1 пилешки стек, испржен или на скара.
Пченка од конзерва или замрзната
Кубети (или испржени коцки леб)
Малку сок од лимон.
1 јајце
Пармезан
Мајонез, малку сок од портокал и бибер (доколку го правите сосот вие)
Vorcester sauce доколку се одлучите за готов сос (во поголемите маркети)

Подготовка:

Марулата и руколата исецкајте ги ситно и ставете ги во длабок сад. Потоа пилешкиот стек, претходно приготвен, исецкајте го на стини коцки и додадете го во садот. Истото сторете го и со свареното јајце.

Додадете ги кубетите, пченката и сокот од лимон. Измешајте убаво и посипете со сос и пармезан.

Предлог домашен сос: Во еден длабок сад ставете го мајонезот, потоа додадете оцет, блага павлака и коњак. Зачинете со црн бибер, исецкан магдонос и убаво промешајте. Со сосот полијте ја салатата.

РАВИОЛИ

Состојки:

5 шолји брашно

5 јајца

1 лажиче сол

1 лажица зејтин

вода

Фил:

300 гр. бело сирење изгмечено со виљушка

1 јајце

малку нане

сол и бибер

NotForMen препорака: Домашни рецепти: Вкусно и диетално

Подготовка:

Состојките за филот добро промешајте ги.

Измесете тесто од брашното, јајцата, солта, зејтинот и додадете вода колку што е потребно. Тестото оставете го половина час покриено.

Со сукало направете кора со половина сантиметар дебелина на претходно напрскана површина со брашно. Со чаша или алатка извадете кругови.

Ставете фил на секој од круговите и мачкајте ги со матена белка. Преклопете ги во полукруг и со виљушката притиснете ги краевите за да не излезе филот при варење.

Ставете да зоврие вода на оган со малку сол. Ставете ги равиолите во неа и мешајте да не загори.

Потоа можете да ги сервирате, но и дел да замрзнете. По желба ставете кечап.

ДЕСЕРТ ТОПЛО-ЛАДНО

Состојки:

500 гр. чоколадо

10 јајца

125 гр. путер

200 гр. брашно

10 лажици шеќер

Сладолед

Подготовка:

Чоколадото и путерот ставете ги во подлабок сад. Потоа на умерен оган стопете ја смесата. Тргнете од шпоретот и оставете да се излади.

Јајцата изматете ги заедно со шеќерот. Кога ќе бидат пенести додадете ги на смесата со чоколадото. Сите состојки измешајте ги со жица за матење и додавајте полека брашно со постојано мешање.

На крај ќе добиете густа и хомогена чоколадна смеса. Калапите намачкајте ги со путер и попрскајте со брашно пред да ја налеете смесата во нив.

Загрејте ја рерната на 250 степени и печете околу 5 минути, потоа извадете ги колачињата и сервирајте со сладолед по желба.

• 
  Цвекло, зеленчук од рајот!
  Време е омилениот зеленчук  на Catherine Zeta Jones да пристигне и на вашата трпеза. ...
• 
  Како да заштедите при пазарувањето во супермаркет?
  Пишувањето на листа неопходни продукти ќе го спречи импулсивното купување во супермаркетот. ...
• 
  Тајната како да го сакате своето тело!
  Дури 47% од жените кажале дека најсуровите коментари за својот изглед ги добиле од семејството. ...