NotForMen

Со витамин А изобилува слаткиот компир. Меѓутоа внесувањето витамин А без цинк не е корисно, па потребно е и пилешко.

Не можете да станете од креветот, се чувствувате како да сте истрчале маратон, а единствената активност во последните два часа ви е мрдањето на очите лево-десно по страните на последниот бестселер од кој не можете да се одвоите.

Отидете до кујната земете еден мал сад, наполнете го се леблебија и ете ви занимација за грицкање при читањето. Подоцна изедете една црвена пиперка и сте ја направиле вистинската комбинација што ќе ви даде енергија.

Еве зошто е делотворна таа, а и уште 4 други лековити комбинации на храна:

Истоштени сте и без енергија?

РЕШЕНИЕ: Леблебија и црвена пиперка

Секоја петта жена има ниско ниво на железо. Консумацијата на храна богата со железо нема многу да помогне ако вашето тело не е во состојба да ја разгради таа храна.

За да не пропадне железото во леблебијата, олеснете му го разградувањето на телото и додадете малку црвена пиперка. Токму витаминот Ц од пиперката е клучен за апсорпцијата на железото.

Имате проблеми со видот?

РЕШЕНИЕ: Спанаќ и авокадо

Спанаќот изобилува со витамин А и со лутеин, кои се одлични за заштита на видот. Авокадото содржи дури повеќе витамин А од спанаќот, а и здрави маснотии кои се потребни за апсорпција на витамините.

NotForMen препорака: Што да јадете кога сте тажни, уморни или под стрес?

Повторно ве мачи ПМС?

РЕШЕНИЕ: Брокола и јајца

Ако и вас, како и многу други жени, ве мачат раздразливост и лошо расположение секој месец, убаво јадење направено од јајца и брокола би можело да биде од голема помош.

Јајцата и броколата содржат многу калциум и витамин Д, кои успешно ги ублажуваат симптомите на ПМС:

Кожата ви е сува и испукана?

РЕШЕНИЕ: Домати и маслиново масло

Ликопенот, многу корисен антиоксиданс кој помага при изгорена кожа од сонце, го има во доматите.

Но за мека и мазна кожа самиот домат не е доволен, па затоа за потполн ефект додадете маслиново масло.

Повторно подлегнавте на сезонскиот грип?

РЕШЕНИЕ: Пилешко и компир

Ретко кој друг продукт има толкави резерви на витамин А како што има слаткиот компир. Меѓутоа внесувањето витамин А без цинк не е корисно.

Тука настапуваат пилешкото или свинското и говедското, кои меѓу другото изобилуваат со цинк. Цинкот на организмот му е потребен за да може квалитетно да го разгради витаминот А. Време е со храна да го лекувате грипот.

• 
  Цвекло, зеленчук од рајот!
  Време е омилениот зеленчук  на Catherine Zeta Jones да пристигне и на вашата трпеза. ...
• 
  Како да заштедите при пазарувањето во супермаркет?
  Пишувањето на листа неопходни продукти ќе го спречи импулсивното купување во супермаркетот. ...
• 
  Тајната како да го сакате своето тело!
  Дури 47% од жените кажале дека најсуровите коментари за својот изглед ги добиле од семејството. ...